7 лютага, Мінск /Кар. БЕЛТА/. Землетрасенні ў Турцыі прывялі да геалагічнага зрушэння, у выніку чаго літасферныя пліты перамясціліся на 3 метры. Аб гэтым заявіў прэзідэнт Нацыянальнага інстытута геафізікі і вулканалогіі Італіі Карла Дальёні, паведамляюць РІА Навіны.
Падземныя штуршкі ў Турцыі прывялі да таго, што Аравійская пліта зрушылася прыкладна на 3 метры ў паўночна-ўсходнім і паўднёва-заходнім напрамках адносна Анаталійскай пліты. Як растлумачыў вучоны, "гэта як калі б Турцыя зрушылася на паўднёвы захад". Паводле слоў Карла Дальёні, агульная велічыня разлому склала 150 км.
Адразу некалькі разбуральных землетрасенняў адбыліся ў Турцыі 6-7 лютага. Таксама былі зафіксаваны сотні афтэршокаў. Сейсмічная актыўнасць у рэгіёне захоўваецца. Паводле апошніх даных, ахвярамі прыроднай катастрофы ў Турцыі сталі 3432 чалавекі, раненні атрымалі 21 103 жыхары краіны. У суседняй Сірыі ў выніку падземных штуршкоў загінулі 1509 чалавек, пацярпелі 3548 грамадзян.-0-
