28 кастрычніка, Мінск /Кар. БЕЛТА/. Як мінімум восем чалавек загінулі ў пакістанскай правінцыі Пенджаб у сутыкненнях паліцыі з актывістамі забароненай радыкальнай ісламскай арганізацыі "Тэхрык-і-Лабайк Пакістан" (TLP). Як паведамляе газета The News, сярод загінулых чатыры супрацоўнікі сіл правапарадку, перадае ТАСС.
Сутыкненні ўспыхнулі пасля спроб паліцэйскіх не дапусціць маршу прыхільнікаў TLP у пакістанскую сталіцу з мэтай дабіцца вызвалення з турмы лідара арганізацыі Саада Хусейна Рызві.
Урад Пакістана паведаміў, што будзе разглядаць арганізацыю ў якасці ваяўнічаў групоўкі.
27 кастрычніка актывісты TLP аднавілі антыўрадавыя выступленні пасля адмовы ўлад выканаць іх патрабаванне аб высылцы з краіны пасла Францыі. Амаль 8 тыс. ісламістаў пачалі свой марш з адміністрацыйнага цэнтра правінцыі Пенджаб горада Лахора на Ісламабад. Акцыя была адтэрмінавана ў канцы мінулага тыдня на час перагавораў з урадам.
Прыхільнікі TLP патрабавалі ад улад вызваліць з турмы лідара арганізацыі Рызві, выслаць пасла Францыі і разарваць гандлёвыя сувязі з гэтай краінай за публікацыю карыкатур на прарока Мухамеда ў парыжскім выданні Charlie Hebdo. На перагаворах урад Пакістана выказаў гатоўнасць задаволіць усе патрабаванні TLP, але адмовіўся ажыццявіць экстрадыцыю з краіны пасла Францыі, паколькі такі крок можа нанесці ўрон адносінам Ісламабада з ЕС.-0-