22 лістапада, Мінск /Кар. БЕЛТА/. Паўночнаатлантычны альянс на гэты момант не гатовы адрэагаваць на "пагрозу" з боку Расійскай Федэрацыі ў любым месцы ўздоўж граніц дзяржаў - членаў блока. Аб гэтым заявіў старшыня ваеннага камітэта НАТА адмірал Роб Баўэр, паведамляе РІА Навіны са спасылкай на агенцтва Reuters.
Паводле слоў Баўэра, у многіх краінах НАТА назіраюцца недасканаласці ў інфраструктуры.
Былы галоўнакамандуючы амерыканскай арміяй у Еўропе генерал у адстаўцы Бен Ходжэс у сваю чаргу адзначыў, што калі неабходна будзе перакідваць цяжкую тэхніку з-за акіяна, асноўнай праблемай можа стаць невысокая прапускная здольнасць чыгунак краін Еўропы.
Ходжэс падкрэсліў, што хутка перамясціць сілы альянсу па тэрыторыі Еўропы не атрымаецца з-за адсутнасці неабходных транспартных магутнасцей і інфраструктуры.
Ён таксама акцэнтаваў увагу на праблеме вузкіх і крутых дарог, а таксама на няхватцы звестак аб маршрутах і мастах і "паралізуючай" бюракратыі.-0-
