Сцяг Пятніца, 29 сакавіка 2024
Усе навіны
Усе навіны
У свеце
19 ліпеня 2022, 14:33

Вярхоўная рада звольніла кіраўніка СБУ Івана Баканава

19 ліпеня, Мінск /Кар. БЕЛТА/. Вярхоўная рада Украіны сёння звольніла кіраўніка Службы бяспекі Івана Баканава. Аб гэтым у Telegram-канале заявіў украінскі дэпутат Аляксей Ганчарэнка, паведамляе РІА Навіны.

Дэпутат удакладніў, што за звальненне Івана Баканава прагаласавалі 265 дэпутатаў. Таксама яго звальненне з пасады кіраўніка СБУ падтрымаў профільны камітэт Рады.

Акрамя таго, на сайце прэзідэнта Украіны сёння былі апублікаваны ўказы аб назначэнні новых кіраўнікоў СБУ ў пяці абласцях: Днепрапятроўскай, Закарпацкай, Палтаўскай, Сумскай і Харкаўскай. Уладзімір Зяленскі сваім указам таксама звольніў намесніка кіраўніка Службы бяспекі Украіны Уладзіміра Гарбенку.

Раней паведамлялася, што 17 ліпеня прэзідэнт Украіны падпісаў указ аб адхіленні ад пасады кіраўніка СБУ Івана Баканава і генпракурора Ірыны Венядзіктавай. Уладзімір Зяленскі заявіў, што рашэнне аб адхіленні было прынята з-за шматлікіх фактаў дзяржаўнай здрады супрацоўнікаў гэтых двух ведамстваў.-0-

Падпісвайцеся на нас у
Twitter
Топ-навіны
Свежыя навіны Беларусі