Мабільная версія
ДЗЯРЖОРГАНЫ

Апошнія навіны
Усе навіны

Вярхоўная рада Украіны прыняла закон аб рэлігійных суполках

У свеце 17.01.2019 | 17:08

17 студзеня, Мінск /Кар. БЕЛТА/. Вярхоўная рада прыняла закон "Аб унясенні змяненняў у некаторыя законы Украіны (адносна падпарадкаванасці рэлігійных арганізацый і працэдуры дзяржаўнай рэгістрацыі рэлігійных арганізацый са статусам юрыдычнай асобы)", паведамляе Укрінфарм.

За прыняцце адпаведнага законапраекта прагаласавалі 229 народных дэпутатаў пры мінімальна неабходных 226.

Згодна з новым законам, рашэнне аб змене падпарадкаванасці, а таксама аб змяненнях і дапаўненнях у статут рэлігійнай суполкі павінна прымацца на агульным сходзе. Пры гэтым рашэнне павінна быць падтрымана не менш як дзвюма трацямі галасоў і засведчана подпісамі членаў суполкі. Затым дакумент падлягае рэгістрацыі ў адпаведнасці з заканадаўствам.

У законе адзначаецца, што змена падпарадкаванасці не ўплывае на змяненне права ўласнасці і іншых правоў рэлігійных суполак. У выпадку змены падпарадкаванасці ўстанаўліваецца мараторый на адчужэнне маёмасці суполкі.

Частка суполкі, якая не згодна з рашэннем аб змене падпарадкаванасці, мае права ўтварыць новую суполку і заключыць дагавор аб парадку карыстання культавым будынкам і маёмасцю з іх уладальнікам або карыстальнікам.

Намеснік старшыні камітэта Вярхоўнай рады па пытаннях культуры і духоўнасці - старшыня падкамітэта па пытаннях дзяржаўнай палітыкі ў сферы свабоды веравызнання і рэлігійных арганізацый Віктар Яленскі адзначыў, што закон дасць магчымасць значна мінімізаваць непаразуменні, якія ўзнікаюць пры змене рэлігійнай суполкай сваёй рэлігійнай падпарадкаванасці.

Законапраект аб рэлігійных суполках быў пададзены на разгляд у Вярхоўную раду Украіны ў 2016 годзе. Дакумент, які прайшоў працэдуру зацвярджэння ў парламенце краіны, уступіць у сілу на наступны дзень пасля яго апублікавання.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.