29 жніўня, Кіеў /БЕЛТА - УКРІНФАРМ/. Вярхоўная рада Украіны назначыла намесніка кіраўніка Офіса Прэзідэнта па эканамічных пытаннях Аляксея Ганчарука прэм'ер-міністрам Украіны.
За адпаведнае рашэнне на першым пасяджэнні першай сесіі Вярхоўнай рады дзявятага склікання прагаласавалі 290 дэпутатаў.
Як паведамлялася раней, кандыдатуру Аляксея Ганчарука на пасаду прэм'ер-міністра краіны ўнёс у Раду прэзідэнт Украіны Уладзімір Зяленскі.
Ранейшы Кабінет міністраў на чале з прэм'ер-міністрам Уладзімірам Гройсманам сёння склаў паўнамоцтвы перад нававыбраным парламентам, як гэтага патрабуе канстытуцыя краіны ў сувязі з пачаткам работы Вярхоўнай рады новага склікання.
Аляксей Ганчарук - юрыст па адукацыі, адвакат, магістр дзяржаўнага кіравання, доктар філасофіі ў галіне права. Быў кіруючым партнёрам юрыдычнай фірмы. Працаваў пазаштатным саветнікам першага віцэ-прэм'ер-міністра Украіны Сцяпана Кубіва. На пазачарговых парламенцкіх выбарах 2014 года балаціраваўся ў Вярхоўную раду ад партыі "Сіла людзей".
28 мая 2019 года быў назначаны намеснікам кіраўніка Адміністрацыі Прэзідэнта, з 25 чэрвеня 2019 года - намеснікам кіраўніка Офіса Прэзідэнта Украіны.-0-