4 сакавіка, Кіеў /БЕЛТА - УКРІНФАРМ/. Вярхоўная Рада Украіны звольніла Аляксея Ганчарука з пасады прэм'ер-міністра краіны. Адпаведны праект пастановы падтрымалі 353 дэпутаты сёння на пазачарговым пасяджэнні парламента.
Удакладняецца, што 3 сакавіка Аляксей Ганчарук падаў у Раду заяву аб адстаўцы. На яго месца плануецца назначыць дзеючага віцэ-прэм'ера, міністра развіцця грамад і тэрыторый Дзяніса Шмыгаля.
Аляксей Ганчарук быў выбраны прэм'ер-міністрам 29 жніўня 2019 года. Да гэтага ён узначальваў аналітычную арганізацыю "Офіс эфектыўнага рэгулявання" (BRDO).
4 кастрычніка 2019 года Вярхоўная Рада Украіны зацвердзіла Праграму дзейнасці ўрада, прапанаваную Аляксеем Ганчаруком. Згодна з законам аб Кабміне, пасля зацвярджэння праграмы парламент 12 месяцаў не можа разглядаць пытанне аб адказнасці ўрада і звольніць яго. Звальненне магчыма толькі калі прэм'ер-міністр сам напіша адпаведную заяву.-0-