Фота з архіва
23 чэрвеня, Мінск /Кар. БЕЛТА/. Вялікабрытанія ўводзіць новыя санкцыі ў адрас РФ, якія прадугледжваюць у тым ліку забарону на экспарт і выкарыстанне ў Расіі фунтаў стэрлінгаў і еўра, паведамляе ТАСС са спасылкай на сайт брытанскага ўрада.
Акрамя таго, уводзіцца забарона на экспарт у Расію прадукцыі і тэхналогій для марскога і нафтаперапрацоўчага сектараў, прадукцыі, якая мае дачыненне да "хімічнай і біялагічнай зброі".
Забарона таксама закранае аказанне сэрвісных, фінансавых або брокерскіх паслуг, якія звязаны з названымі катэгорыямі тавараў.-0-
