25 кастрычніка, Мінск /Кар. БЕЛТА/. Сітуацыя з бежанцамі на польскай граніцы кваліфікуецца як злачынства супраць чалавечнасці. Аб гэтым заявіла легенда польскай "Салідарнасці", былая падпольшчыца Данута Курань, паведамляе Gazeta Wyborcza.
Паводле яе слоў, выканаўцамі палітыкі польскай дзяржавы ў адносінах да бежанцаў з'яўляюцца афіцэры пагранічнай службы. Іх падтрымліваюць розныя фарміраванні Войска Польскага, паліцэйскія фарміраванні, а таксама тыя жыхары прыгранічных тэрыторый, якія пайшлі на супрацоўніцтва з уладамі.
"Мы можам многае даведацца аб ахвярах канфлікту, калі захочам. У СМІ з'яўляюцца паведамленні пра людзей, якія ўжо чацвёрты месяц днём і ноччу дастаўляюць ахвярам гуманітарную і юрыдычную дапамогу. У асноўным гэта людзі з арганізацый, якія гадамі дапамагаюць бежанцам... Ёсць таксама жыхары пагранічнай зоны, як жанчыны, так і мужчыны, якія далучаюцца (да аказання дапамогі. - Заўвага БЕЛТА) на розных этапах, а таксама актывісты з усёй Польшчы", - расказала Данута Курань.
Аднак на працягу апошніх дзён, па меры ўзмацнення мілітарызацыі ў рэгіёне, актывісты і валанцёры перадаюць усё менш інфармацыі, і гэта маўчанне ўсё больш палохае. "Дзе людзі, якія нядаўна звярталіся па дапамогу? Ці ўдалося ім выбрацца з пасткі? Ці ўдалося ім выжыць? Мы ведаем, што невялікая частка знаходзіцца ў закрытых і добра ахоўных цэнтрах для іншаземцаў. Гэтыя цэнтры таксама закрыты для публікі, таму мы не ведаем, што ўнутры, але звонку яны выглядаюць як турмы. Ужо ў жніўні яны былі перапоўнены. Які лёс зняволеных, ці дойдзе да іх гуманітарная дапамога, няхай нават ежа і адзенне, што адбываецца з дзецьмі, хворымі людзьмі...", - задаецца пытаннем актывістка.
Данута Курань звяртае ўвагу на "сістэматычна ўзрастаючую мілітарызацыю грамадскага жыцця" ў Польшчы, што прыводзіць да "зацягвання петляў" вакол людзей. "Сказаць, што прысутнасць сілавых структур разбурае штодзённае жыццё, нічога не сказаць... Іх прысутнасць стварае ўмовы, якія пагражаюць жыццю", - заявіла Данута Куронь. У якасці прыкладу яны прывяла сітуацыю з грамадскай арганізацыяй "Урачы на граніцы", якая аказвала ў Польшчы бясплатную меддапамогу бежанцам. Валанцёры арганізацыі падвергнуліся нападзенню, іх аўтамабілі былі разбіты.
Але яшчэ больш шакіруе інфармацыя аб мабілізацыі польскай лясной варты для дапамогі сілавым структурам на граніцы. У сувязі з гэтым Данута Курань адзначае, што многія бежанцы, якія ў апошнія месяцы спрабавалі прабрацца праз польскія лясы і балоты або былі злоўлены, або загінулі.
"Гэта і магло быць сапраўднай прычынай мабілізацыі лясной аховы. Целы жанчын, мужчын і дзяцей, якія загінулі ад знясілення і холаду, нехта з набліжаных да ўлад павінен знайсці ў зоне і ціха, без сведак, прыхаваць", - гаворыць актывістка.
На заканчэнне Данута Курань адзначае, што многія людзі ў Польшчы, якія сталі сведкамі трагедыі з бежанцамі, аддалі б перавагу таму, каб не ведаць пра гэта. Аднак, на яе думку, "невінаватых сведак няма". Цяпер на граніцы разгортваецца драма, у якой адны з'яўляюцца ахвярамі, а іншыя злачынцамі.
"Тое, што раздзяляе грамадства ў многіх адносінах, не мяняе таго факта, што ўсе мы - істоты, надзеленыя розумам, свабоднай воляй і сумленнем, гэта значыць маральным законам, які знаходзіцца ўнутры нас", - сказала Данута Курань.-0-
