6 красавіка, Мінск /Кар. БЕЛТА/. ЗША не ўдалося паралізаваць расійскую банкаўскую сістэму, РФ здольна выканаць усе свае абавязацельствы, пры гэтым санкцыі шкодзяць самім грамадзянам Злучаных Штатаў. Такое меркаванне сёння ў сваім Telegram-канале выказаў спікер Дзярждумы РФ Вячаслаў Валодзін, інфармуе ТАСС.
"План Вашынгтона не ўдаўся. Страшэнныя санкцыі не спрацавалі. Разлічвалі абваліць эканоміку, паралізаваць банкаўскую сістэму Расіі. Не атрымалася", - напісаў ён.
Паводле слоў палітыка, у РФ "ёсць сродкі на рахунках, каб выканаць абавязацельствы ў поўным аб'ёме нават ва ўмовах санкцый", пры гэтым "сітуацыя, створаная ЗША, б'е па іх саміх і іх грамадзянах".
Акрамя таго, Валодзін заявіў, што долар нельга больш лічыць надзейнай валютай для захоўвання сродкаў.
"Любы, хто захоўвае сёння грошы ў доларах, не можа быць больш упэўнены, што ЗША не ўкрадуць яго грошы. Гэта пачатак канца манаполіі долара ў свеце", - напісаў спікер.-0-
