2 жніўня, Мінск /Кар. БЕЛТА/. Выбух газу з далейшым узгараннем адбыўся ў воўнаапрацоўчым цэху ва Уладзікаўказе (Паўночная Асеція, РФ). У выніку 12 чалавек пацярпелі, піша ТАСС.
Сямёра пацярпелых шпіталізаваны, астатнія ад медыцынскай дапамогі адмовіліся, паведамілі ТАСС у рэгіянальным упраўленні МНС РФ.
Пасля выбуху газу ў цэху адбыўся пажар, яго плошча склала 1,5 тыс. кв.м. У 10.36 па маскоўскім часе ўзгаранне было лакалізавана. "На месцы працуюць 117 чалавек і 39 адзінак тэхнікі, з іх ад ГУ МНС РФ- 54 чалавекі і 17 адзінак тэхнікі", - адзначыў субяседнік ТАСС.
Вядзецца расследаванне.-0-
