12 лютага, Мінск /Кар. БЕЛТА/. У паштовых аддзяленнях у Нідэрландах прагрымелі два ўзрывы, паведамляе нідэрландская газета
NL Times.
Першы ўзрыў адбыўся каля 8.00 па мясцовым часе ў раёне Слотэрдэйк Амстэрдама. Паліцыя паведаміла, што, паводле папярэдніх даных, размова ідзе аб пасылцы з бомбай.
Другі ўзрыў прагрымеў у паштовай кампаніі ў горадзе Керкрадэ. Пра падазроны прадмет паведамілі ў паліцыю ў 8.33 па мясцовым часе. На месцы здарэння знаходзяцца эксперты па выбуховых рэчывах.
Пацярпелых няма.
Паліцыя пакуль не паведамляе, ці звязаны абодва інцыдэнты.-0-