14 жніўня, Мінск /Кар. БЕЛТА/. У другім квартале ўзровень працоўнай занятасці склаў 65,4 працэнта, а ўзровень беспрацоўя - 7,1 працэнта, паведамляе эстонская тэлерадыёкампанія ERR.
Паводле даных Дэпартамента статыстыкі, у Эстоніі ў другім квартале бягучага года зарэгістравана 49,4 тыс. беспрацоўных, што на 14,4 тыс. чалавек больш, чым у першым квартале, і на 13,7 тыс. больш, чым у другім квартале мінулага года.
Паводле ацэнак аналітыкаў, гэтыя паказчыкі рынку працы адлюстроўваюць негатыўны ўплыў крызісу, выкліканага каранавірусам.
Усяго занятых у другім квартале было 643,9 тыс., што на 23,8 тыс. менш, чым у гэты ж перыяд мінулага года. Згодна з апублікаванымі данымі, менш за паўгода лічацца беспрацоўнымі 34,1 тыс. чалавек, а беспрацоўнымі на працягу 6-11 месяцаў - 9,1 тыс. Доўгачасова беспрацоўных налічваецца 6,1 тыс. чалавек.-0-
