26 чэрвеня, Мінск /Кар. БЕЛТА/. У выніку ўспышкі стрэптакокавай інфекцыі групы А ў графстве Эсекс (Англія) з лютага гэтага года 32 чалавекі былі заражаны, з іх 12 памерлі, паведамляе BBC.
Першыя заражаныя былі выяўлены ў графстве ў лютым бягучага года, а ў сакавіку ў раёне Брэйнтры зафіксавалі ўспышку інфекцыі. Выпадкі захворванняў таксама былі зарэгістраваны ў Чэлмсфордзе і Малдове. Удакладняецца, што большасць заражаных - гэта пажылыя людзі, якія атрымлівалі лячэнне ад хранічных захворванняў у дамах састарэлых.
Намеснік дырэктара Службы грамадскай аховы здароўя Вялікабрытаніі доктар Ёрг Хофман лічыць гэту сітуацыю вельмі сур'ёзнай. Ён удакладніў, што медыкам пакуль не ўдалося спыніць распаўсюджванне інфекцыі. Існуе высокая рызыка далейшых смяротных зыходаў, таму праводзіцца прафілактычнае лячэнне антыбіётыкамі.-0-