Фота ТАСС
14 жніўня, Мінск /Кар. БЕЛТА/. Сустрэча прэзідэнтаў Расіі і ЗША Уладзіміра Пуціна і Дональда Трампа на Алясцы пачнецца заўтра, 15 жніўня, у 22.30, яе адкрые размова тэт-а-тэт, у якой, акрамя лідараў, будуць удзельнічаць толькі перакладчыкі. Аб гэтым паведаміў памочнік прэзідэнта Расіі Юрый Ушакоў, інфармуе ТАСС.
Сустрэча лідараў пройдзе ў Анкорыджы. Будзе задзейнічана адно з памяшканняў аб'яднанай ваеннай базы Эльмендорф-Рычардсан.
"Прадугледжваецца, што ўсё пачнецца заўтра, 15 жніўня, прыкладна ў 11.30 па мясцовым часе (22.30 па мінскім часе) з размовы Уладзіміра Пуціна і Дональда Трампа, - паведаміў дыпламат. - Гэта гутарка пройдзе ў фармаце тэт-а-тэт, зразумела, з удзелам перакладчыкаў".
Затым перагаворы ў складзе дэлегацый прадоўжацца за рабочым снеданнем.
Як паведаміў Ушакоў, перагаворы пройдуць па формуле "5+5": "Акрамя прэзідэнтаў, у перагаворах будзе ўдзельнічаць па пяць членаў дэлегацыі. Ну, вядома, недзе побач будзе знаходзіцца і група экспертаў".
У склад расійскай дэлегацыі ўвайшлі міністр замежных спраў Расіі Сяргей Лаўроў, памочнік прэзідэнта РФ Юрый Ушакоў, міністр абароны Расіі Андрэй Белавусаў, міністр фінансаў РФ Антон Сілуанаў і спецпрадстаўнік прэзідэнта Расіі па інвестыцыйна-эканамічным супрацоўніцтве з замежнымі краінамі Кірыл Дзмітрыеў.
Склад амерыканскай дэлегацыі таксама вызначаны. "Вядомы і склад амерыканскай дэлегацыі, але, напэўна, будзе карэктна дачакацца адпаведнага аб'яўлення з боку амерыканскіх партнёраў", - адзначыў памочнік прэзідэнта.
Працягласць перагавораў будзе залежаць ад таго, як пойдзе дыскусія. Цэнтральнай тэмай саміту стане ўрэгуляванне ўкраінскага крызісу, будуць закранацца таксама і іншыя пытанні. "Што датычыцца парадку дня саміту, то, напэўна, усім відавочна, што цэнтральнай тэмай будзе ўрэгуляванне ўкраінскага крызісу, таксама з улікам абмеркавання, якое было праведзена ў Крамлі, як вы памятаеце, 6 жніўня з удзелам спецыяльнага пасланніка прэзідэнта ЗША Стыва Уіткафа, - удакладніў Ушакоў. - Але, зразумела, будуць закрануты і больш шырокія задачы для забеспячэння міру і бяспекі, а таксама актуальныя і самыя вострыя міжнародныя і рэгіянальныя пытанні".
Па выніках сустрэчы Пуцін і Трамп дадуць сумесную прэс-канферэнцыю, на якой падвядуць вынікі праведзеных перагавораў .-0-
Сустрэча лідараў пройдзе ў Анкорыджы. Будзе задзейнічана адно з памяшканняў аб'яднанай ваеннай базы Эльмендорф-Рычардсан.
"Прадугледжваецца, што ўсё пачнецца заўтра, 15 жніўня, прыкладна ў 11.30 па мясцовым часе (22.30 па мінскім часе) з размовы Уладзіміра Пуціна і Дональда Трампа, - паведаміў дыпламат. - Гэта гутарка пройдзе ў фармаце тэт-а-тэт, зразумела, з удзелам перакладчыкаў".
Затым перагаворы ў складзе дэлегацый прадоўжацца за рабочым снеданнем.
Як паведаміў Ушакоў, перагаворы пройдуць па формуле "5+5": "Акрамя прэзідэнтаў, у перагаворах будзе ўдзельнічаць па пяць членаў дэлегацыі. Ну, вядома, недзе побач будзе знаходзіцца і група экспертаў".
У склад расійскай дэлегацыі ўвайшлі міністр замежных спраў Расіі Сяргей Лаўроў, памочнік прэзідэнта РФ Юрый Ушакоў, міністр абароны Расіі Андрэй Белавусаў, міністр фінансаў РФ Антон Сілуанаў і спецпрадстаўнік прэзідэнта Расіі па інвестыцыйна-эканамічным супрацоўніцтве з замежнымі краінамі Кірыл Дзмітрыеў.
Склад амерыканскай дэлегацыі таксама вызначаны. "Вядомы і склад амерыканскай дэлегацыі, але, напэўна, будзе карэктна дачакацца адпаведнага аб'яўлення з боку амерыканскіх партнёраў", - адзначыў памочнік прэзідэнта.
Працягласць перагавораў будзе залежаць ад таго, як пойдзе дыскусія. Цэнтральнай тэмай саміту стане ўрэгуляванне ўкраінскага крызісу, будуць закранацца таксама і іншыя пытанні. "Што датычыцца парадку дня саміту, то, напэўна, усім відавочна, што цэнтральнай тэмай будзе ўрэгуляванне ўкраінскага крызісу, таксама з улікам абмеркавання, якое было праведзена ў Крамлі, як вы памятаеце, 6 жніўня з удзелам спецыяльнага пасланніка прэзідэнта ЗША Стыва Уіткафа, - удакладніў Ушакоў. - Але, зразумела, будуць закрануты і больш шырокія задачы для забеспячэння міру і бяспекі, а таксама актуальныя і самыя вострыя міжнародныя і рэгіянальныя пытанні".
Па выніках сустрэчы Пуцін і Трамп дадуць сумесную прэс-канферэнцыю, на якой падвядуць вынікі праведзеных перагавораў .-0-
Падпісвайцеся на нас у
