ДЗЯРЖОРГАНЫДЗЯРЖОРГАНЫ
Субота, 23 студзеня 2021
Мінск Суцэльная воблачнасць +1°C
Усе навіны
Усе навіны
У свеце
04 снежня 2020, 09:08

Улады Японіі да канца года распрацуюць план адмаўлення ад бензінавых машын

Фота з архіва
Фота з архіва

4 снежня, Мінск /Кар. БЕЛТА/. Урад Японіі мае намер да канца года распрацаваць праграму мер, накіраваных на спыненне продажу толькі бензінавых або толькі дызельных аўтамабіляў бліжэй да сярэдзіны 2030-х гадоў. Аб гэтым паведамляе ТАСС са спасылкай на міністра эканомікі, гандлю і прамысловасці Хіросі Кадзіяма.

"Мы прыкладаем намаганні да таго, каб скласці праект такой праграмы ўжо на працягу бягучага года", - сказаў ён. Паводле слоў міністра, гэта неабходна для выканання ўрадавай задачы спыніць да 2050 года выкіды ў атмасферу вуглякіслага і іншых парніковых газаў, якія выклікаюць пацяпленне клімату. "Укараненне электрамабіляў - кардынальны элемент выканання гэтага плана", - сказаў кіраўнік японскага эканамічнага ведамства.

Згодна з планамі яго міністэрства, да сярэдзіны 2030-х гадоў новымі можна будзе набыць толькі гібрыды, электрамабілі і аўтамабілі на вадародным паліве. На японскім рынку цяпер прадаецца даволі шмат гібрыдных мадэлей. Яны прысутнічаюць у мадэльных лінейках практычна ўсіх аўтавытворцаў. У той жа час электрамабілі пакуль вырабляюцца ў Японіі ў абмежаванай колькасці.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі