18 мая, Мінск /Кар. БЕЛТА/. Украіна экспартуе ў еўрапейскія краіны свае запасы пшаніцы, нягледзячы на рызыкі дэфіцыту збожжа. Аб гэтым агенцтву РІА Навіны расказаў былы супрацоўнік порта ў Адэсе.
Паводле яго слоў, магчымасці адэскага порта не дазваляюць Украіне перакінуць праз яго асноўныя аб'ёмы збожжа. Таму было прынята рашэнне перанакіраваць пшаніцу цераз парты Рэні і Ізмаіл, адкуль далей яна транспартуецца па Дунаі.
Адзначаецца, што Кіеў прыняў рашэнне аб экспарце пшаніцы пад націскам краін Еўрасаюза. Пры гэтым сама Украіна ўжо ў бягучым годзе можа сутыкнуцца з дэфіцытам збожжа, паколькі пасяўная кампанія пад пытаннем.
Паводле слоў субяседніка РІА Навіны, да пачатку канфлікту ў порце Адэсы знаходзілася больш за 200 тыс. т пшаніцы. У красавіку адтуль пачалі масава вывозіць кантэйнеры з таварамі, якіх было больш за 10 тыс.
Паводле некаторых даных, украінскія ўлады таксама распарадзіліся забраць усе прадуктовыя грузы, якія знаходзіліся ў порце. Аднак гэтай сітуацыяй скарысталіся крымінальныя элементы, якія разрабавалі грузы.-0-
