2 верасня, Мінск /Кар. БЕЛТА/. У сярэдняй школе ў ЗША ў горадзе Уінстан-Сейлем, штат Паўночная Караліна, у выніку стральбы быў забіты вучань, паведамляе NBC News.
Паводле слоў начальніка паліцыі Уінстана, інцыдэнт адбыўся 1 верасня ў 12.07 па мясцовым часе. Невядомы адкрыў агонь. Пацярпеў адзін вучань, які быў дастаўлены ў бальніцу, дзе памёр ад атрыманых ран.
Злачынец быў затрыманы. Узбуджана крымінальная справа. Матывы стральбы высвятляюцца.-0-