23 мая, Мінск /Кар. БЕЛТА/. Кошт бензіну на амерыканскіх аўтазапраўках зноў абнавіў гістарычны рэкорд і дасягнуў $4,596 за адзін галон (3,785 літра), сведчаць даныя некамерцыйнай Амерыканскай аўтамабільнай асацыяцыі, якая займаецца маніторынгам расцэнак на АЗС у краіне, паведамляе ТАСС.
Адзначаецца, што сярэдні кошт галона бензіну маркі Regular, які адпавядае бензіну АІ-92, падняўся ў ЗША да $4,596. Самы высокі кошт застаецца ў штаце Каліфорнія. Там аўтамабілісты павінны плаціць у сярэднім $6,069 за адзін галон.
Рост цэн на бензін у ЗША назіраецца з канца зімы бягучага года. Трэці тыдзень запар цана стабільна расце і абнаўляе гістарычныя максімумы, што звязана з павышэннем сусветных цэн на нафту.-0-
