13 студзеня, Мінск /Кар. БЕЛТА/. Гадавая інфляцыя ў ЗША дасягнула максімальнага значэння амаль за 40 гадоў, сведчаць даныя Міністэрства працы ЗША, паведамляе РБК.
Па выніках снежня 2021 года гадавая інфляцыя ў ЗША павялічылася на 7 працэнтаў у параўнанні з аналагічным перыядам 2020 года. Апошні раз на такім узроўні паказчык быў зафіксаваны ў 1982 годзе. У месячным выражэнні спажывецкія цэны выраслі на 0,5 працэнта.
Эксперты чакалі, што гадавы паказчык інфляцыі складзе 7,1 працэнта, у месячным выражэнні - 0,4 працэнта.
У лістападзе 2021 года паказчык дасягнуў 6,8 працэнта, максімальнага ўзроўню за 39 гадоў.
Як адзначае газета "Известия", 2 снежня, эксперты папярэдзілі, што ў 2023 годзе ўзровень інфляцыі ў ЗША дасягне 15 працэнтаў. Таксама ў краіне прагназуецца канстытуцыйны крызіс на фоне прамежкавых выбараў у кангрэс.-0-
