15 сакавіка, Мінск /Кар. БЕЛТА/. У ЗША адбылася 63-я цырымонія ўручэння музычнай прэміі "Грэмі", заснаванай Акадэміяй гукапісу ЗША. З-за пандэміі яна праходзіла без гледачоў у гібрыдным фармаце. Артысты выступалі на пяці сцэнах, размешчаных побач адна з адной, паведамляе ВВС.
У намінацыі "Лепшая песня года" перамагла кампазіцыя I Can't Breathe спявачкі H.E.R, прысвечаная памяці забітага паліцэйскімі афраамерыканца Джорджа Флойда.
Альбом Folklore Тэйлар Свіфт перамог у намінацыі "Лепшы альбом года".
Білі Айліш атрымала некалькі статуэтак "Грэмі", у тым ліку адну з галоўных у катэгорыі "Лепшы запіс" за песню Everything I Wanted, а таксама за загаловачную песню да апошняга фільма пра Джэймса Бонда.
У намінацыі "Лепшая песня, напісаная для візуальных медыя" разам з Білі Айліш перамогу атрымаў яе брат Фінеас О'конел.
Песня Everything I Wanted перамагла ў катэгорыі "Лепшы запіс года".
У катэгорыі "Лепшы новы музыкант" першынствавала амерыканская рэп-выканаўца Megane The Stallion.
Амерыканскія спявачкі Лэдзі Гага і Арыяна Грандэ атрымалі ўзнагароду за сумесна запісаную песню Rain on me ў катэгорыі "Лепшае поп-выкананне дуэтам або групай".
Беёнсэ атрымала "Грэмі" у катэгорыі "Лепшае R&B выкананне" за песню Black Parade.
Прэмію "Грэмі" за лепшы вакальны поп-альбом уручылі Дуа Ліпэ (альбом Future Nostalgia).-0-