ДЗЯРЖОРГАНЫДЗЯРЖОРГАНЫ
Флаг Чацвер, 19 мая 2022
Мінск Суцэльная воблачнасць +17°C
Усе навіны
Усе навіны
У свеце
13 снежня 2021, 16:42

У Вялікабрытаніі зарэгістравалі першую смерць ад амікрон-штама

13 снежня, Мінск /Кар. БЕЛТА/. У Вялікабрытаніі зарэгістравалі першую смерць ад амікрон-штама каранавіруса. Аб гэтым заявіў прэм'ер-міністр Борыс Джонсан, паведамляе тэлеканал Sky News.

"Мы назіраем выпадкі шпіталізацыі ў выніку заражэння амікрон-штамам. Памёр як мінімум адзін пацыент, інфіцыраваны амікрон-штамам", - адзначыў Борыс Джонсан.

Да гэтага ніводная з дзяржаў, дзе быў выяўлены штам амікрон, не паведамляла аб смяротных зыходах ад новага варыянта захворвання.

Раней улады Вялікабрытаніі павысілі ступень пагрозы, што зыходзіць ад каранавіруса, з трэцяга ўзроўню да чацвёртага (усяго пяць) на фоне актыўнага распаўсюджвання штама амікрон. Аб такім рашэнні абвясцілі галоўныя санітарныя ўрачы Англіі, Паўночнай Ірландыі, Уэльса і Шатландыі.

Сусветная арганізацыя аховы здароўя 26 лістапада абазначыла штам каранавіруса, выяўлены на поўдні Афрыкі, грэчаскай літарай "амікрон". Аб выяўленні новага штама аб'явілі ўжо больш за 60 краін.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі