25 кастрычніка, Мінск /Кар. БЕЛТА/. У Вялікабрытаніі на паліцах супермаркетаў замест фруктаў, агародніны і іншых прадуктаў усё часцей можна ўбачыць кардонныя дэкарацыі з іх выявай, паведамляе брытанская газета The Guardian.
Намаляваныя тавары ў магазінах выклікаюць насмешкі ў сацыяльных сетках. Пакупнікі заўважылі кардонную спаржу ў Лондане, фальшывую моркву ў Факенхэме, фатаграфіі апельсінаў і вінаграду ў Мілтан-Кінсе і папяровыя бутэлькі з вадкасцю для мыцця посуду ў Кембрыджы.
Брытанскія супермаркеты былі вымушаны звярнуцца да такой тактыкі ў сувязі з дэфіцытам тавараў у краіне. З-за няхваткі вадзіцеляў грузавых аўтамабіляў, а таксама ўпакоўшчыкаў прадукцыі на фермах і прадпрыемствах харчовай прамысловасці пастаўкі тавараў у магазіны значна знізіліся.
Няхватка персаналу і цяжкасці з дастаўкай тавараў узніклі на фоне Brexit і пандэміі. Як вынік, многім супермаркетам давялося скараціць асартымент сваёй прадукцыі.-0-