13 красавіка, Мінск /Кар. БЕЛТА/. Улады Аўстрыі прадоўжылі лакдаўн у Вене да 2 мая з-за складанай эпідэміялагічнай сітуацыі, паведамляе газета Nachrichten.
Мэр Вены Міхаэль Людвіг аб'явіў 12 красавіка на прэс-канферэнцыі, што федэральная сталіца прадоўжыць ізаляцыю да 2 мая. Вочныя заняткі ў школах плануецца пачаць на тыдзень раней, 26 красавіка. Першапачаткова было аб'яўлена аб адкрыцці 19 красавіка.
Паводле слоў Людвіга, бальніцы Вены знаходзяцца на мяжы сваіх магчымасцей, цяпер у іх праходзяць лячэнне 778 пацыентаў хворых на каранавірусную інфекцыю, з іх 245 знаходзяцца ў аддзяленнях інтэнсіўнай тэрапіі. Ён дадаў, што магчыма будзе паслабленне мер з мая ў сферы грамадскага харчавання.
З 1 красавіка ў трох частках Аўстрыі, уключаючы Вену, аб'яўлены строгі каранцін: закрыты гандлёвыя цэнтры, непрадуктовыя магазіны, салоны прыгажосці.
Паводле даных Універсітэта Джонса Хопкінса, на 12 красавіка ў Аўстрыі зарэгістравана 578 950 выпадкаў заражэння COVID-19, памерлі 9 706 чалавек.-0-