19 кастрычніка, Мінск /Кар. БЕЛТА/. Злучаныя Штаты страчваюць сваіх саюзнікаў з-за непавагі да іх інтарэсаў, а таксама выкарыстання грубай сілы. Аб гэтым піша аглядальнік турэцкай газеты Yeni Safak Абдула Мурадоглу, інфармуюць РІА Навіны.
Абдула Мурадоглу перакананы, што галоўным паняццем у адносінах як паміж людзьмі, так і паміж дзяржавамі з'яўляецца давер. "А грубай сілай нельга заваяваць ні давер, ні павагу", - адзначыў турэцкі журналіст.
Паводле яго слоў, Вашынгтон сёння не хоча лічыцца з правіламі міжнароднага парадку, якія сам жа нібыта абараняе. Усе, хто глядзіць на свет не так, як ЗША, адразу абвяшчаюцца ворагамі. Абдула Мурадоглу падкрэсліў, што ЗША займаюцца разбурэннямі, але не могуць нічога стварыць.
Ён таксама нагадаў, што дзеянні краіны "прывялі да мільёнаў загубленых чалавечых жыццяў" ва ўсім свеце. Гісторыя памятае прыклады, калі спалучэнне высакамернасці, памылак і грубай сілы даводзілі грамадства да разбурэння.-0-
