23 кастрычніка, Кіеў /БЕЛТА - УКРІНФАРМ/. Ад выбуху гранаты ў цэнтры ўкраінскай сталіцы, паводле папярэдніх даных, загінулі два чалавекі.
Інцыдэнт адбыўся 22 кастрычніка каля 22.00 у Кіеве на вуліцы Пушкінская, 34, паблізу ўваходу ў будынак. Паміж двума мужчынамі адбыўся канфлікт, у час якога адзін з іх дастаў гранату. Яна ўзарвалася ў мужчыны ў правай руцэ. Абодва ўдзельнікі канфлікту загінулі на месцы. Акрамя таго, асколкі адляцелі ў дзвюх жанчын, адну з якіх шпіталізавалі. Яе жыццю нічога не пагражае.
Як паведамляе ў Facebook паліцыя Кіева, на месца здарэння прыбылі следча-аператыўныя групы раённага і галоўнага ўпраўленняў паліцыі, спецыялісты па выбуховай тэхніцы і ўрачы.
"Пасля прыбыцця праваахоўнікі знайшлі двух мужчын без прыкмет жыцця, а дзяўчыну з цялеснымі пашкоджаннямі шпіталізавалі. Паліцэйскія ўстанаўліваюць абставіны інцыдэнту. Вырашаецца пытанне адносна прававой кваліфікацыі гэтай падзеі", - адзначаюць у паліцыі.-0-
