ДЗЯРЖОРГАНЫДЗЯРЖОРГАНЫ
Флаг Аўторак, 11 мая 2021
Мінск Ясна +8°C
Усе навіны
Усе навіны
У свеце
02 сакавіка 2021, 11:31

У Тбілісі ў час мітынгу адбыліся сутыкненні дэманстрантаў з паліцыяй

Фота Першага канала грузінскай дзяржаўнай тэлерадыёкампаніі
Фота Першага канала грузінскай дзяржаўнай тэлерадыёкампаніі

2 сакавіка, Мінск /Кар. БЕЛТА/. У Тбілісі апазіцыя праводзіць мітынг перад будынкам парламента. Як паведамляе Першы канал грузінскай дзяржаўнай тэлерадыёкампаніі, паміж мітынгуючымі і паліцыяй адбываюцца сутыкненні.

Пратэстуючыя спрабавалі перакрыць дарогу, аднак гэтаму перашкодзіла патрульная паліцыя. Пасля гэтага сітуацыя стала напружанай. Паліцыя затрымала некалькіх удзельнікаў пратэсту, у тым ліку члена "Адзінага нацыянальнага руху" Бесо Газдзеліяні.

На гэты момант усе ўваходы ў парламент перакрыты супрацоўнікамі праваахоўных органаў.

Прадстаўнікі апазіцыйных партый Грузіі заклікаюць да вызвалення з турмы старшыні партыі "Адзіны нацыянальны рух" дэпутата Нікі Меліі, арыштаванага паліцыяй 23 лютага, а таксама правядзення датэрміновых выбараў у краіне.

Крымінальная справа супраць Нікі Меліі была ўзбуджана ў чэрвені 2019 года. Ён абвінавачваецца ў арганізацыі масавых беспарадкаў у Грузіі 20 і 21 чэрвеня 2019 года і ўдзеле ў іх. У 2019 годзе палітык быў вызвалены пад заклад і павінен быў насіць электронны бранзалет, які ён праз год дэманстратыўна выкінуў. Тбіліскі гарадскі суд 17 лютага 2021 года пастанавіў вярнуць палітыка пад арышт. Апазіцыя расцэньвае гэта як палітычнае праследаванне.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі