Сцяг Аўторак, 19 сакавіка 2024
Усе навіны
Усе навіны
У свеце
13 лістапада 2019, 10:36

У сталіцы Афганістана прагрымеў узрыў каля будынка МУС

13 лістапада, Мінск /Кар. БЕЛТА/. Каля будынка МУС у афганскай сталіцы Кабул прагрымеў узрыў. Паводле папярэдніх даных, ён забраў жыцці сямі чалавек, паранены яшчэ сямёра, паведамляе агенцтва Reuters са спасылкай на крыніцы ў афганскім урадзе.

Выбуховае ўстройства знаходзілася ў аўтамабілі. Інцыдэнт здарыўся раніцай, калі на вуліцах сталіцы было шмат людзей.

На месца здарэння выехалі карэты хуткай дапамогі і паліцыя. Адказнасць за здарэнне пакуль не ўзяла на сябе ні адна з актыўных у рэгіёне тэрарыстычных груповак.

Трэба адзначыць, што ўзрыў адбыўся праз дзень пасля таго, як прэзідэнт Афганістана Ашраф Гані пацвердзіў, што ўлады краіны вызвалілі з турмы трох кіраўнікоў радыкальнага руху "Талібан" у абмен на двух іншаземцаў, прафесараў амерыканскага ўніверсітэта, выкрадзеных баевікамі ў жніўні 2016 года. Шэраг наглядальнікаў спадзяваўся, што гэты абмен стане першым крокам на шляху да мірных перагавораў паміж талібамі і афганскім урадам.-0-

Падпісвайцеся на нас у
Twitter
Топ-навіны
Свежыя навіны Беларусі