ДЗЯРЖОРГАНЫДЗЯРЖОРГАНЫ
Флаг Нядзеля, 24 кастрычніка 2021
Мінск Ясна +3°C
Усе навіны
Усе навіны
У свеце
09 верасня 2021, 12:30

У Швейцарыі ад наведвальнікаў культурна-забаўляльных устаноў будуць патрабаваць кавід-сертыфікат

Фота nashagazeta.ch
Фота nashagazeta.ch

9 верасня, Мінск /Кар. БЕЛТА/. У Швейцарыі для ўваходу ў рэстараны і культурна-забаўляльныя ўстановы з 13 верасня будуць патрабаваць кавід-сертыфікат, паведамляе рускамоўнае швейцарскае выданне "Наша газета".

Кавід-сертыфікат, які выдаецца поўнасцю вакцынаваным грамадзянам, тым, хто выздаравеў а таксама тым, хто мае адмоўны рэзультат тэста на каранавірус, будзе неабходны для наведвання музеяў, бібліятэк, заапаркаў, фітнес-цэнтраў, крытых басейнаў, аквапаркаў, більярных залаў і казіно.

Доступ на такія мерапрыемствы, як канцэрты, тэатральныя паказы, кінапаказы, спартыўныя спаборніцтвы, праводзімыя ў закрытых памяшканнях, на прыватныя мерапрыемствы і вяселлі ў агульнадаступных месцах таксама будзе магчымы толькі для ўладальнікаў сертыфікатаў.

Дакумент не будзе патрабавацца для рэлігійных службаў, груп самадапамогі і палітычных сходаў з колькасцю не больш як 50 чалавек.

Для мерапрыемстваў на адкрытым паветры сертыфікат з'яўляецца абавязковым, калі колькасць удзельнікаў перавышае 1 тыс. чалавек, у адваротным выпадку арганізатары могуць самастойна вырашаць, ці патрэбна прад'яўляць адпаведны дакумент.

Асобы, якія не прад'яўляюць сертыфікат там, дзе ён патрабуецца, могуць быць аштрафаваны на 100 франкаў. Тым, хто не забяспечыў выкананне абавязку прад'яўляць дакумент, пагражае штраф або нават спыненне дзейнасці.

У месцах і на мерапрыемствах, дзе сертыфікат з'яўляецца абавязковым, іншыя меры засцярогі, напрыклад, нашэнне маскі і захаванне дыстанцыі, будуць адменены. Але канчатковае рашэнне застаецца за арганізатарамі.

Новыя правілы будуць дзейнічаць да 24 студзеня 2022 года, але Федэральны савет можа адмяніць іх раней, калі сітуацыя ў бальніцах палепшыцца.

Паводле даных выдання, цыркуляцыя віруса ў Швейцарыі апошнія дні крыху павялічылася. За мінулыя суткі зарэгістраваны 3550 выпадкаў заражэння каранавірусам, 53 шпіталізацыі і 7 лятальных канцоў. Сітуацыя ў бальніцах выклікае хваляванне экспертаў: аддзяленні інтэнсіўнай тэрапіі запоўнены на 78,7 працэнта, прычым 33,3 працэнта месцаў заняты пацыентамі з COVID-19. Амаль трэць шпіталізаваных даводзіцца пераводзіць у рэанімацыю.

Прэзідэнт Кантанальнай канферэнцыі дырэктараў грамадскай аховы здароўя Лукас Энгельбергер заклікаў усіх, хто яшчэ не прайшоў вакцынацыю, зрабіць гэта неадкладна. Улады і прадстаўнікі сферы аховы здароўя краіны паўтараюць, што вакцына забяспечвае добрую засцярогу як ад інфекцыі, так і ад цяжкіх форм захворвання.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі