26 красавіка, Мінск /Кар. БЕЛТА/. Тры ўзрывы адбыліся сёння ва ўсходняй частцы Шры-Ланкі ў горадзе Калмунай, паведамляе мясцовы партал Newsfirst.
Падрабязнасцей аб інцыдэнце пакуль няма.
Раней прэм'ер-міністр Шры-Ланкі Раніл Вікрамасінгхе заявіў, што ідуць пошукі патэнцыяльных тэрарыстаў, якія могуць ініцыіраваць новыя атакі.
21 красавіка ў гарадах Каломба, Негомба і Батыкалоа ў Шры-Ланцы прагрымелі восем узрываў, у тым ліку ў атэлях і цэрквах, дзе ў гэты час ішлі велікодныя службы. У выніку тэрактаў загінулі 253 чалавекі.-0-