7 верасня, Мінск /Кар. БЕЛТА/. У Сальвадоры 7 верасня ўступіў у сілу закон, згодна з якім біткоін становіцца афіцыйным плацежным сродкам нараўне з амерыканскім доларам, паведамляе "Мір 24".
Рэспубліка стала першай краінай, якая прадаставіла біткоіну такі статус. Жыхары Сальвадора змогуць выкарыстоўваць лічбавую валюту для аплаты паслуг і тавараў з дапамогай электроннага кашалька Chivo.
Краіна пачала ўжо закупляць крыптавалюту. Аб першай транзакцыі напярэдадні ўступлення ў сілу адпаведнага закона заявіў кіраўнік дзяржавы Наіб Букеле ў сваім Twitter-акаўнце. "Сальвадор толькі што купіў свае першыя 200 біткоінаў. Да крайняга тэрміну нашы брокеры закупяць яшчэ больш", - паведаміў Букеле.
7 верасня курс біткоіна абнавіў максімум з сярэдзіны мая, дасягнуўшы адзнакі $52,9 тыс.-0-