8 лютага, Мінск /Кар. БЕЛТА/. Шэсць чалавек загінулі ў выніку моцных дажджоў у Рыа-дэ-Жанэйра (Бразілія), паведамляе тэлеканал Globo.
Лівень і ўраганны вецер з парывамі да 110 км/гадз абрушыліся на горад увечары 6 лютага. У розных раёнах Рыа-дэ-Жанэйра выпала ад 35 да 91 мм ападкаў. У выніку сыходжання апоўзня была перакрыта прыбярэжная дарога. Паводле інфармацыі мэрыі, ураган паваліў 170 дрэў, зафіксавана 10 выпадкаў падтапленняў дарог, месцамі парушана электразабеспячэнне.
У горадзе аб'яўлена трохдзённая жалоба.-0-