21 мая, Мінск /Кар. БЕЛТА/. На тэрыторыі пасёлка Дзмітрыядаўка Растоўскай вобласці ў час ачысткі калектара загінулі 10 чалавек, прычынай смерці рабочых стаў выкід метану, паведамляе ТАСС са спасылкай на кіраўніка адміністрацыі Таганрога Андрэя Лісіцкага.
"Паводле ўдакладненых даных, на 15.30 у выніку аварыйнай сітуацыі на ачышчальных збудаваннях каналізацыі ў пасёлку Дзмітрыядаўка на помпавай станцыі сырога асадку колькасць загінулых павялічылася да 10 чалавек. Шпіталізаваны восем чалавек", - гаворыцца ў паведамленні на сайце адміністрацыі горада.
Кіраўнік рэгіёна Васіль Голубеў у рамках пасяджэння камітэта Савета Федэрацыі па аграрна-харчовай палітыцы і прыродакарыстанні таксама паведаміў, што пасля надзвычайнага здарэння два чалавекі знаходзяцца ў вельмі цяжкім стане, яшчэ шэсць - у рэанімацыі.
"Восем чалавек знаходзяцца ў бальніцы, двое з іх у вельмі цяжкім стане. Шэсць чалавек у рэанімацыі", - сказаў ён.
У прэс-службе галоўнага ўпраўлення МНС Расіі па Растоўскай вобласці паведамілі, што пошукавыя работы на месцы здарэння працягваюцца. Задзейнічаны 51 чалавек і 16 адзінак тэхнікі. На месцы працуюць псіхолагі МНС.-0-
