1 ліпеня, Мінск /Кар. БЕЛТА/. Колькасць пацверджаных выпадкаў заражэння каранавірусам у Расіі за суткі ўзрасла на 23 543, гэта максімальнае значэнне з 17 студзеня, паведамляе ТАСС са спасылкай на аператыўны штаб па барацьбе з каранавірусам.
Агульная колькасць інфіцыраваных у Расіі дасягнула 5 538 142.
Колькасць вылечаных пасля каранавіруса расіян павялічылася за суткі на 16 928. Усяго ўжо выздаравеў 5 017 321 чалавек. Доля выпісаных пацыентаў дасягнула 90,6 працэнта ад агульнай колькасці інфіцыраваных.
Колькасць смяротных зыходаў узрасла за суткі на 672 супраць 669 на дзень раней, гэта новы максімум з пачатку пандэміі. Усяго ад інфекцыі памерла 135 886 чалавек. Умоўная смяротнасць захворвання (канчатковую можна будзе вызначыць толькі пасля завяршэння эпідэміі) засталася на ўзроўні 2,45 працэнта.-0-