17 верасня, Мінск /Кар. БЕЛТА/. У Расіі з 17 па 19 верасня праходзяць выбары розных узроўняў, паведамляе ТАСС.
Грамадзянам Расіі трэба будзе выбраць дэпутатаў Дзярждумы VIII склікання, кіраўнікоў дзевяці суб'ектаў (яшчэ ў трох рэгіёнах вышэйшых адміністрацыйных асоб будуць выбіраць дэпутаты заксходаў) і 39 рэгіянальных парламентаў. Таксама ў гэтыя дні праходзяць муніцыпальныя выбары.
Выбарчыя ўчасткі будуць працаваць тры дні з 8.00 да 20.00 па мясцовым часе.
Асноўны дзень галасавання назначаны на 19 верасня.-0-