26 лістапада, Мінск /Кар. БЕЛТА/. Расійскія вытворцы вакцын супраць каранавіруса блізкія да выхаду на маштабны выпуск прэпарату. Аб гэтым заявіў міністр аховы здароўя Расіі Міхаіл Мурашка, паведамляе ТАСС.
"Цяпер вытворцы фактычна знаходзяцца ў фінальнай стадыі маштабіравання вытворчасці. І мы бачым, што сёння аб'ёмы, якія здадзены на дзяржаўны кантроль якасці, дазваляюць нам гаварыць аб тым, што ў снежні - студзені гэтыя аб'ёмы будуць значна павялічаны, каб пачаць рух спачатку па пэўных катэгорыях насельніцтва, а затым выходзіць ужо і на больш шырокія маштабы", - сказаў Міхаіл Мурашка на XI Усерасійскім кангрэсе пацыентаў.
Міністр адзначыў, што ў ходзе пострэгістрацыйных назіранняў пры прымяненні вакцын была створана беспрэцэдэнтная сістэма па зборы даных аб іх дзеянні.
З пачатку пандэміі каранавірусам у свеце заразіліся больш як 59,7 млн чалавек, звыш 1,4 млн памерлі. Паводле даных федэральнага аператыўнага штаба па барацьбе з новай інфекцыяй, у Расіі па стане на 25 лістапада зарэгістравана 2 162 503 выпадкі заражэння, выздаравелі 1 660 419 чалавек, памерлі 37 538.-0-
