29 кастрычніка, Мінск /Кар. БЕЛТА/. У Расіі колькасць смяротных выпадкаў з-за каранавіруса за суткі ўзрасла на 1163 супраць 1159 на дзень раней, гэта новы максімум, паведамляе ТАСС са спасылкай на аператыўны штаб па барацьбе з новай інфекцыяй.
Усяго з-за каранавіруса ў Расіі памерлі 236 220 чалавек. Умоўная лятальнасць захворвання (канчатковую можна будзе вызначыць толькі пасля завяршэння пандэміі) засталася 2,8 працэнта.
Колькасць пацверджаных выпадкаў заражэння каранавірусам у краіне ўзрасла за суткі на 39 849, да 8 432 546. У адносным выражэнні прырост колькасці хворых склаў 0,47 працэнта.
Колькасць вылечаных расіян за суткі ўзрасла на 30 462. Упершыню з пачатку эпідэміі гэты паказчык перавысіў 30 тыс. Усяго ўжо выздаравелі 7 302 515 чалавек. Доля выпісаных пацыентаў засталася на ўзроўні 86,6 працэнта ад агульнай колькасці заражаных.-0-
