1 лютага, Мінск /Кар. БЕЛТА/. У чэшскай сталіцы сёння праходзіць акцыя пратэсту супраць абмежаванняў, уведзеных уладамі краіны ў сувязі з распаўсюджваннем COVID-19. Аб гэтым паведамляе чэшскі партал навін novinky.cz.
Акцыя праходзіць перад будынкам Палаты дэпутатаў у цэнтры Прагі. Удзел у мітынгу прымаюць некалькі соцень чалавек. Пратэстуючыя выступаюць супраць абавязковай вакцынацыі і іншых абмежаванняў, звязаных з COVID-19, паколькі лічаць іх неэфектыўнымі. Яны таксама патрабуюць спыніць націск на людзей, якія адмаўляюцца праходзіць вакцынацыю.
Пратэстуючыя прынеслі з сабой сцягі, свісткі і транспаранты. Акрамя таго, на плошчы ўстанавілі макеты шыбеніц з надпісамі "Эканоміка", "Адукацыя", якія сімвалізуюць уціск уладамі Чэхіі правоў чалавека ў перыяд пандэміі каранавіруса.
Паведамляецца, што ў ходзе акцыі адбыліся сутычкі мітынгуючых з паліцыяй, у выніку чаго было затрымана некалькі чалавек. Паводле папярэдніх даных, пацярпеў адзін паліцэйскі. Арганізатары акцыі паведамілі, што плануюць сёння ажыццявіць аўтапрабег па вуліцах сталіцы з удзелам 300 машын.-0-
