6 ліпеня, Мінск /Кар. БЕЛТА/. Прэзідэнт Польшчы Анджэй Дуда падпісаў праект паправак у Канстытуцыю краіны, якія выключаюць магчымасць усынаўлення дзяцей асобай, якая знаходзіцца ў аднаполым саюзе, паведамляе Польскае агенцтва друку.
Пасля падпісання праекта Анджэй Дуда адзначыў, што прынятае рашэнне аб забароне ўсынаўляць дзяцей аднаполымі парамі накіравана на падтрыманне польскіх сем'яў, абарону дзяцей і прызначана садзейнічаць развіццю польскага грамадства.
Дакумент сёння перадаюць на разгляд у парламент Польшчы.-0-