14 лютага, Мінск /Кар. БЕЛТА/. У Польшчы выявілі два новыя падварыянты амікрон-штама каранавіруса. Аб гэтым заявіў намеснік міністра аховы здароўя Польшчы Вальдэмар Краска, паведамляе тэлеканал TVN24.
"У нас ужо ёсць два новыя падварыянты мутацый амікрона COVID-19, якія сустракаюцца ў нашай краіне", - сказаў ён. Вальдэмар Краска адзначыў, што пакуль невядома, як будуць паводзіць сябе новыя варыянты віруса і якім будзе ход хваробы. Аднак ён заклікаў жыхароў Польшчы прадаўжаць захоўваць дыстанцыю і насіць маскі.
Цяпер Польшча пераадольвае пятую хвалю COVID-19. Намеснік міністра паведаміў, што варыянт амікрон ужо складае 96 працэнтаў ад усіх выпадкаў каранавіруса, якія выяўляюцца ў Польшчы.
Паводле даных Універсітэта Джонса Хопкінса, з пачатку пандэміі ў Польшчы зарэгістравана 5 376 674 выпадкі COVID-19, памерлі 108 120 чалавек.-0-
