25 лістапада, Мінск /Кар. БЕЛТА/. У Польшчы сёння праходзяць акцыі пратэсту вадзіцеляў таксі, паведамляе польская інфармацыйная служба RMF24.
Пратэстуючыя патрабуюць ва ўрада аказаць ім фінансавую дапамогу. Паводле слоў дэманстрантаў, з-за пандэміі каранавіруса і каранцінных мер яны страцілі сваю зарплату, пры гэтым вымушаны плаціць падаткі.
Акцыі праходзяць у многіх вялікіх гарадах краіны. Таксісты на аўтамабілях павольна едуць, ускладняючы трафік, а таксама перакрываюць дарогі.
Адна з буйнейшых акцый пратэсту праходзіць цяпер у Варшаве. Калона з соцень аўтамабіляў рухаецца да канцылярыі прэм'ер-міністра. Пратэстуючыя маюць намер падаць петыцыю з патрабаваннямі віцэ-прэм'еру Яраславу Качыньскаму.-0-