ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск Суцэльная воблачнасць +19°C
Усе навіны
Усе навіны
У свеце
19 мая 2022, 11:48

У Польшчы антырасійскія санкцыі ўдарылі па насельніцтву, ужо 300 палякаў засталіся без работы

Фота з архіва
Фота з архіва

19 мая, Мінск /Кар. БЕЛТА/. У Польшчы каля 300 супрацоўнікаў кампаніі Medmix Polska засталіся без работы і заработнай платы з-за ўведзеных Варшавай санкцый супраць Расіі, паведамляе Gazeta Wyborcza.

У канцы красавіка Міністэрства ўнутраных спраў Польшчы абнародавала спіс асоб і кампаній, звязаных з Расіяй, на якія распаўсюджваюцца санкцыі. Яны не могуць нічога прадаць або купіць у Польшчы, іх рахункі поўнасцю заблакіраваны.

Як аказалася, ад такіх абмежавальных мер пацярпеў не толькі расійскі бізнес, але і грамадзяне Польшчы. Людзі засталіся без работы, яны не могуць атрымаць заработную плату за мінулы месяц і не ведаюць, чаго чакаць далей.

Сярод такіх кампаній польская medmix Polska пад Вроцлавам. Яе вытворчасць спынена, рахункі заблакіраваны. Цяпер 300 супрацоўнікаў кампаніі фактычна апынуліся на вуліцы, з імі нават не могуць разлічыцца за адпрацаваны час.

Пры гэтым, як аказалася, Мedmix Polska мае толькі апасродкаваныя адносіны да санкцый. Польская кампанія належыць швейцарскай Sulzer, мінарытарным акцыянерам якой з'яўляецца расійскі бізнесмен Віктар Вексельберг, які трапіў пад санкцыі.

"На вайне атакуюць ваенныя, а не грамадзянскія цэлі, - гаворыць кіраўнік швейцарскай кампаніі Гіртс Цымерманс. - Нашы супрацоўнікі, якія не атрымліваюць заработную плату, не алігархі. Яны звычайныя людзі. А расійскі алігарх? Так, ён купляў на фондавай біржы акцыі швейцарскай кампаніі, якой належыць польская кампанія... Але ён мінарытарны акцыянер і нават не атрымлівае прыбытку".

Ці плануюць улады Польшчы неяк вырашаць праблему, з якой сутыкнуліся іх грамадзяне, пакуль невядома.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі