27 студзеня, Мінск /Кар. БЕЛТА/. У Нью-Дэлі ў час пратэстаў фермераў пацярпелі 86 супрацоўнікаў паліцыі, паведамляе тэлеканал NDTV.
Паводле даных паліцыі, было разбіта 8 аўтобусаў і 17 прыватных аўтамабіляў. Узбуджана 22 справы аб беспарадках і вандалізме. Ёсць пацярпелыя сярод фермераў, але іх колькасць пакуль не ўдакладняецца.
Як паведамлялася, некалькі тысяч фермераў прыехалі ў Нью-Дэлі на трактарах, матацыклах, конях для ўдзелу ва ўзгодненай дэманстрацыі. Яны планавалі заявіць аб незадаволенасці палітыкай, якую праводзіць прэм'ер Нарэндра Модзі. У прыватнасці, аграрыі незадаволены прынятымі ўрадам законамі, якія закранаюць сельскагаспадарчую галіну.
Група пратэстуючых на трактарах накіравалася ў цэнтр Нью-Дэлі, яны дайшлі да Чырвонага форта, прарвалі барыкады і ўвайшлі ў яго. Паліцыя прымяніла дубінкі, каб вывесці мітынгуючых з форта. Беспарадкі прайшлі ў шасці раёнах сталіцы Індыі.-0-