2 ліпеня, Гродна /Кар. БЕЛТА/. Выбух газу адбыўся ў жылым доме ў Ніжнім Ноўгарадзе. Ёсць пацярпелыя, паведамляе ТАСС са спасылкай на прэс-службу МНС Расіі.
Сёння каля 7.00 паступіла паведамленне аб выбуху газу ў трохпавярховым жылым доме на вул. Светлаярскай у Ніжнім Ноўгарадзе. Адкрытага гарэння пасля выбуху не было. Разбураны міжпавярховыя перакрыцці і перагародкі, выбіта шкло.
Паводле папярэдняй інфармацыі, пацярпелі тры чалавекі, яны шпіталізаваны. Таксама эвакуіраваны 28 жыльцоў дома.-0-