ДЗЯРЖОРГАНЫДЗЯРЖОРГАНЫ
Флаг Пятніца, 7 мая 2021
Мінск Суцэльная воблачнасць +12°C
Усе навіны
Усе навіны
У свеце
06 красавіка 2021, 09:52

У некаторых еўрапейскіх краінах аслабляюць каранцінныя меры

Фота з архіва
Фота з архіва

6 красавіка, Мінск /Кар. БЕЛТА/. У шэрагу еўрапейскіх краін пачалося аслабленне каранцінных мер, уведзеных у сувязі з распаўсюджваннем каранавіруса, паведамляе Euronews.

У некаторых раёнах Грэцыі адкрыліся пасля каранціну малыя і сярэднія прадпрыемствы, а таксама магазіны, якія заставаліся закрытымі на працягу двух месяцаў. Аднак абмежавальныя меры часткова захаваны. Так, у магазінах павінна захоўвацца сацыяльная дыстанцыя. Вялікія гандлёвыя цэнтры пакуль застаюцца закрытымі, але людзі гавораць, што ўжо адчуваецца пачатак вяртання да нармальнага жыцця.

У Партугаліі вучні сярэдніх школ цяпер могуць вярнуцца ў класы. У краіне пасля двух месяцаў дзеяння ў краіне строгіх каранцінных мер адкрываюцца музеі і тэрасы кафэ. З 5 красавіка дазволена займацца індывідуальнымі відамі спорту, у тым ліку сёрфінгам на пляжах. Улады тым не менш папярэдзілі, што будуць пераглядаць прадпісанні кожныя два тыдні.

З наступнага тыдня Вялікабрытанія пачынае аслабляць абмежавальныя меры. На першым этапе, 12 красавіка, адкрыюцца магазіны, трэнажорныя залы, заапаркі, цырульні, пабы і месцы для адпачынку на адкрытым паветры. У дамах састарэлых можна будзе наведваць сваякоў, але не больш за два наведвальнікі на чалавека адначасова. Між тым прэм'ер-міністр краіны Борыс Джонсан заклікаў сваіх суграмадзян захоўваць пільнасць і па магчымасці прайсці вакцынацыю.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі