15 студзеня, Мінск /Кар. БЕЛТА/. Польшча гатова размясціць нямецкія войскі на сваёй тэрыторыі. Аб гэтым заявіў намеснік кіраўніка МЗС Польшчы Анджэй Шэйна ў інтэрв’ю выданню Rzeczpospolita, пішуць РІА Навіны.
"Калі немцы захочуць узмацніць усходні фланг НАТА ў Польшчы, як яны гэта зрабілі ў Літве, то калі ласка", - сказаў дыпламат. Ён таксама падкрэсліў, што "ва ўмовах баявых дзеянняў за ўсходняй граніцай Польшчы" Варшава вітае любое супрацоўніцтва з боку саюзнікаў. Адзначаецца, што на гэты момант на тэрыторыі краіны раскватараваны каля 10 тыс. амерыканскіх салдат.
Акрамя таго, Анджэй Шэйна заклікаў палякаў быць гатовымі да новай хвалі бежанцаў з Украіны."Мы не можам выключыць, што расійскае наступленне прывядзе да зрушэння фронту на Захад і да таго, што ў Польшчы з’явяцца яшчэ мільёны ўкраінцаў", - адзначыў намеснік кіраўніка МЗС Польшчы. Паводле яго слоў, гэта стане для Польшчы "вялікім цяжарам", да чаго польскае грамадства павінна быць гатова.-0-
