3 сакавіка, Мінск /Кар. БЕЛТА/. Злучаныя Штаты з'яўляюцца галоўнай у свеце крыніцай ядзернай пагрозы, Вашынгтон павінен уважліва абдумаць сваю ядзерную палітыку. Аб гэтым заявіла афіцыйны прадстаўнік кітайскага знешнепалітычнага ведамства Маа Нін, пішуць РІА Навіны.
Яна падкрэсліла, што Амерыка зноў і зноў раскручвае тэорыю аб "ядзернай пагрозе" з боку КНР, шукаючы такім чынам прычыну для пашырэння свайго ядзернага арсеналу і захавання ваеннай гегемоніі. Кітайскі дыпламат адзначыла, што ЗША апошнім часам агрэсіўна мадэрнізавалі сваю "ядзерную трыяду" і пастаянна ўзмацнялі ролю ядзернай зброі ў палітыцы нацбяспекі. "ЗША з'яўляюцца буйнейшай у свеце крыніцай ядзернай пагрозы", - адзначыла Маа Нін.
Прадстаўнік МЗС КНР нагадала, што Кітай заўсёды займаў узважаную і адказную пазіцыю ў сваёй ядзернай палітыцы. Пекін цвёрда прытрымліваецца абарончай ядзернай стратэгіі, палітыкі непрымянення ядзернай зброі першым і падтрымлівае свае ядзерныя сілы на самым нізкім узроўні, які неабходны для забеспячэння нацыянальнай бяспекі.-0-
