23 верасня, Мінск /Кар. БЕЛТА/. Аўстралійская паліцыя прымяніла гумавыя кулі супраць дэманстрантаў, якія выступаюць да адмену кавідных абмежаванняў у Мельбурне, паведамляе тэлеканал 9News.
Таксама для разгону пратэстуючых, якія выйшлі да мельбурнскага Манумента памяці, паліцыя выкарыстоўвала слёзатачывы газ і гумавыя дубінкі. Паведамляецца, што, калі пратэстуючыя беглі ад паліцыі, чуліся гукі, падобныя да ўзрываў. Паведамляецца, што двое праваахоўнікаў, у якіх пратэстуючыя кідалі бутэлькі, атрымалі траўмы галавы. Яшчэ адзін быў шпіталізаваны з траўмамі грудной клеткі.
Прэм'ер-міністр штата Вікторыя Дэніел Эндрус заявіў, што паліцыя без ваганняў прыме меры супраць тых, хто дзейнічаў незаконна.
Паводле даных тэлеканала, у час учарашняй дэманстрацыі былі затрыманы 215 чалавек. Акрамя таго, было выпісана каля 300 штрафаў за парушэнне каранцінных мер.
Відавочцы расказалі, што паліцыя разганяла натоўп вельмі жорстка. "Паліцыя накідвалася на аднаго за другім, на самай справе арыштоўваючы іх даволі агрэсіўна. Я бачыла, як паліцэйскія пад'ехалі на машыне і з пісталетам павалілі на зямлю хлопца, а ў гэты час міма прайшла жанчына з дзіцем, якое плакала ў калясцы", - сказала рэпарцёр Крысцін Ахерн.
Таксама паведамляецца, што па распараджэнні паліцыі штата паветраная прастора над цэнтральным дзелавым раёнам Мельбурна была часова закрыта для верталётаў і дронаў СМІ, якія не маюць спецыяльнага дазволу.
Пратэсты прадаўжаюцца ў другім па велічыні горадзе Аўстраліі з 18 верасня з-за жорсткіх абмежаванняў, уведзеных уладамі рэгіёна ў адносінах да супрацоўнікаў будаўнічай галіны. Па рашэнні штата, будаўнікі павінны на працягу бліжэйшых дзён зрабіць прынамсі адну прышчэпку супраць каранавіруса, каб вярнуцца да работы. Пасля некалькіх сутычак прытэстуючых з паліцэйскімі 19 верасня ўрад штата Вікторыя прыняў рашэнне прыпыніць работу ўсіх будаўнічых пляцовак на два тыдні, каб іх работнікі маглі зрабіць прышчэпкі. У выніку некалькі тысяч супрацоўнікаў галіны з панядзелка былі адхілены ад работы без захавання заработнай платы.-0-
