12 кастрычніка, Мінск /Кар. БЕЛТА/. Не менш як 7 чалавек загінулі і 13 пацярпелі 11 кастрычніка ў час частковага абрушэння ўзводзімага будынка ў горадзе Мантэрэй у мексіканскім штаце Нуэва-Леон, паведамляе ТАСС са спасылкай на сайт мексіканскай радыёстанцыі Noticias MVS.
Паводле слоў прадстаўніка кіраўніцтва сіламі грамадзянскай абароны рэгіёна Мігеля Пералеса, мяркуецца, што ўнутры будынка ў момант абрушэння маглі знаходзіцца 26 чалавек, аднак гэта інфармацыя не пацверджана. На гэты момант выратавана 13 чалавек.
У разборы завалаў удзельнічаюць каля 100 чалавек, сярод іх паліцэйскія і ваеннаслужачыя, а таксама кіналагічныя разлікі.
Інфармацыя аб прычынах трагедыі абнародавана не была.-0-