Сцяг Чацвер, 28 сакавіка 2024
Усе навіны
Усе навіны
У свеце
12 верасня 2019, 10:31

У Мазамбіку ў час цісканіны на стадыёне загінулі 10 чалавек

12 верасня, Мінск /Кар. БЕЛТА/. Не менш як 10 чалавек загінулі на поўначы Мазамбіка ў час цісканіны на перадвыбарным мітынгу прэзідэнта Філіпэ Ньюсі. Аб гэтым паведамляе паўднёваафрыканская анлайн-газета The Times.

Паводле слоў сведкаў, невялікі стадыён у горадзе Нампула, дзе 11 верасня праходзіў мітынг, быў перапоўнены. Пасля заканчэння мерапрыемства людзі масава імкнуліся да выхаду, з-за чаго пачалася цісканіна.

"На жаль, 10 прадстаўнікоў нашай партыі загінулі", - гаворыцца ў заяве правячай партыі "Фрэліма". Сярод загінулых - шэсць жанчын і чацвёра мужчын. Удакладняецца, што 85 чалавек атрымалі раненні.

Усеагульныя выбары ў Мазамбіку пройдуць 15 кастрычніка.-0-

Падпісвайцеся на нас у
Twitter
Топ-навіны
Свежыя навіны Беларусі